«Հայաստան ներմուծվող մի խումբ ապրանքներ, որոնք արտադրության համար պետք է ծառայեն որպես հումք կազատվեն սահմանին ավելացված արժեքի հարկի գանձումից»,- Տնտեսական հարցերի հանձանժողովի նիստում՝ ներկայացնելով «Կազմակերպությունների և անհատ ձեռնարկատերերի կողմից ներմուծվող՝ ակցիզային հարկով հարկման ոչ ենթակա այն ապրանքների ցանկը հաստատելու մասին, որոնց ներմուծումն ազատված է ավելացված արժեքի հարկից» օրենքում լրացումներ և փոփոխություններ կատարելու մասին օրենքի նախագիծը, ասաց ՀՀ էկոնոմիկայի փոխնախարար Ռաֆայել Գևորգյանը: Նա նշեց, որ օրենքում այս փոփոխությունը միտված է թռչնամսի ինքնաբավության հարցը լուծելու համար: