▲ Դեպի վեր

lang.iso lang.iso lang.iso

Տղամարդկանց օգնություն չեն տալիս, ասում են՝ գնացեք աշխատեք, բայց որտե՞ղ. Շուշիի քաղաքապետ

«99,9%-ն իրենց հագի շորերով են դուրս եկել իրենց տներից՝ մտածելով, որ մի քանի օրում ամեն ինչ կկարգավորվի և նորից կվերադառնան իրենց տները»,- այս մասին այսօր՝ հունվարի 25-ին, ընթացող մամուլի ասուլիսի ժամանակ հայտարարել է Շուշիի քաղաքապետ Արծվիկ Սարգսյանը:

/filemanager/uploads/2021/01/week-4/Arcvik_Sargsyan.jpg

«Խնդիրները հիմա շատ-շատ են, սկսած սննդից մինչև կացարան: Ճիշտ է, կան կազմակերպութուններ, կան բարի մարդիկ, բայց դա շատ քիչ է: Այսօր թեʹ Արցախում, թեʹ ՀՀ-ում վարձով բնակարաններն աստղաբաշխական գների են, տրամադրած գումարները չեն բավարարում: Աջակցությունը՝ 68+15-հազարական դրամով, այդ գումարներից չեն օգտվում 18-58 տարեկան տղամարդիկ: Ասում են՝ թող տղամարդիկ գնան աշխատեն, բայց որտե՞ղ, աշխատանք չկա: Այդ գումարներն անգամ որոշ շահառուների հաշվեհամարներին դեռ չեն նստել: Կան նաև օրենքի բացեր: Օրինակ, 300 հազար դրամ է տրվում նրանց, ովքեր առնվազն 3 ամիս բնակվել են Շուշիում: Էդ ո՞նց հաշվենք՝ 3 ամիս է ապրել, թե, ասենք, 10 օր պակաս: Չէ՞ որ մարդիկ տներ, ունեցվածքներ են թողել»,- նշել է նա:

Արծվիկ Սարգսյանը նաև անդրադարձել է բնակարանային խնդրին՝ շեշտելով, որ ճիշտ է, բազմաթիվ հյուրընկալ օջախներ, հյուրատներ սիրալիր ընդունել են փախստականներին, բայց դե նրանք չեն կարող հավերժ հյուրընկալել, մարդանց խնդրում են ազատել իրենց տները, հյուրանոցները, իսկ մարդիկ գնալու տեղ չունեն:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին