Այսօր՝ օգոստոսի 25-ին, ոստիկանապետին կից հասարակական խորհրդի անդրանիկ նիստում ՀՀ ոստիկանապետը Վալերի Օսիպյանը, անդրադառնալով Երևանի ոստիկանապետի պաշտոնից Արտակ Պողոսյանի ազատելու իր որոշմանը, նշել է.
«Այո, Երևանի ոստիկանապետը նոր էր նշանակվել, ինքը վատ աշխատակից չէ, մեր համակարգի պրոֆեսիոնալ աշխատակիցներից մեկն է, բայց կադրային փոփոխությունները համակարգում միշտ էլ եղել են և կլինեն: Միգուցե բացթողումներ կան այնտեղ: Չենք բացառում, որ նա անցնի մեկ այլ աշխատանքի»,- ասել է Օսիպյանը:
Հիշեցնենք, որ Պողոսյանը այս պաշտոնում նշանակվել էր հունիսին՝ կրկին Օսիպյանի հրամանով:
