«Եթե Նիկոլ Փաշինյանի մոտ հայտնվել է ինչ-որ փաստ, ապա հայտնվել է ապօրինի կերպով, որովհետև ԱԱԾ-ն իրավունք չուներ զբաղվելու եկեղեցականների անկողին մտնելով: Իսկ Նիկոլ Փաշինյանը հաստատապես այդ գործընթացի մոմ պահողը չի եղել»,- «Նյուզ»-ի եթերում ասաց վերլուծաբան Արգիշտի Կիվիրյանը՝ անդրադառնալով Նիկոլ Փաշինյանի հայտարարությանը, թե ինքը փաստեր ունի, որ Վեհափառը խախտել է կուսակրոնության ուխտը:

Վերլուծաբանի համոզմամբ՝ Նիկոլ Փաշինյանը փաստացի ընդունում է, որ ԱԱԾ-ն զբաղվել է ապօրինի գործողություններով և այդ գործողությունների արդյունքը տրամադրել է իրեն, որը երկրորդ ապօրինի գործողությունն է: «Ինչ փաստ ուզում է լինի, եթե դա քրեորեն պատժելի արարք չի, Եկեղեցին շատ հանգիստ կարող է Նիկոլ Փաշինյանի փաստերը փաթաթել և հետ ուղարկել նրա մոտ»,- ընդգծեց վերլուծաբանը:

Դիտեք նաև՝

***

«Սերժ Սարգսյանի մոտ մշտական ոճ է՝ ասել մի բան, անել հակառակը: Ոնց որ իշխանություններն են մշտապես մոլորեցնում հասարակությանը, նույն այդ գծի մեջ մշտապես աշխատել և շարունակում է Սերժ Սարգսյանը: Ուղղակի Նիկոլ Փաշինյանի մոտ դա ավելի հմուտ է ստացվում»,- «նյուզ»-ի եթերում ասաց վերլուծաբան Արգիշտի Կիվիրյանը՝ պատասխանելով հարցին, թե «ինչո՞ւ այս փուլում՝ իմպիչմենտի գործընթացում «Պատիվ ունեմ»-ը թեկնածու առաջարկեց, երբ ավելի վաղ Սերժ Սարգսյանն ասում էր, որ իրենք իշխանության չեն հավակնում»:

«Հանրապետականները չեն հասկանում, որ Սերժի դեմ գործիք են: Սերժն էլ փորձում է ընդդիմության դաշտը առավելագույնը մասնատել, որպեսզի տիրի ընդդիմության դաշտին»