▲ Դեպի վեր

lang.iso lang.iso lang.iso

«Վազի՛ր ու ետ մի՛ նայիր, Պուտինը նման է բուլդոգի». Սաակաշվիլին՝ Փաշինյանին

Վրաստանի նախկին նախագահ Միխայիլ Սաակաշվիլին ֆեյսբուքյան իր էջում Հայաստանի վարչապետ Նիկոլ Փաշինյանին խորհուրդ է տվել հնարավորինս շուտ խզել բոլոր հարաբերությունները Ռուսաստանի հետ։
«Ռուսաստանն արգելել է հայկական գրեթե բոլոր գյուղմթերքների և հայկական կոնյակի ներկրումը։ Դե, Կրեմլի ղեկավարության մեջ նրանք, ովքեր սիրում են հայկական կոնյակը, իրենց չեն սահմանափակի (վրացական գինու էմբարգոյից հետո վրացի լրագրողներին Կրեմլի բուֆետում առանց որևէ խնդրի հյուրասիրեցին): Իսկ սովորական ռուսների կարծիքի վրա նրանք թքած ունեն:

Բայց այս արգելքը պետք է բոլոր կարմիր լույսերը վառի Փաշինյանի համար: Պուտինը ոչ թե սկսեց հայկական կոնյակը չսիրել, այլ` Փաշինյանին: Իսկ էմբարգոն նրան իշխանությունից քերելու հերթական քայլն է։

Ուզում եմ նորից կրկնել Հայաստանի վարչապետի համար. Հարգարժան Նիկոլ, վազիր, վազիր ավելի արագ, վազիր առանց ետ նայելու ՀԱՊԿ-ից, Եվրասիական համայնքից, վազիր դեպի Եվրոմիություն, ՆԱՏՕ, դեպի նոր տարածաշրջանային միություններ։ Բայց ամենակարևորը՝ ոտքդ հեռացրու Ռուսաստանից, փրկիր քեզ և հայոց պետականությունը։ Պուտինը նման է բուլդոգի. նա կծում է ու բաց չի թողնում, քանի դեռ ատամները չի սեղմել։ Կտրվեք այս խայթոցից՝ գոյատևելու համար:

Համոզված եմ, որ դեռ ուշ չէ: Եվ դադարեցրեք տատանվելն ու ճոճվելը: Ուշացումը նման է մահվան»,- գրել է Սաակաշվիլին:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին