Խնդրի լուծման միակ տարբերակը Նիկոլ Փաշինյանի անհապաղ հեռացումն է: Այս մասին ԱԺ ճեպազրույցի ժամանակ ասել է «Հայաստան» խմբակցության պատգամավոր Վահե Հակոբյանը՝ Գորիս-Կապան ավտոճանապարհին ադրբեջանցիների կողմից հայտնված անցակետի խնդրի լուծման տարբերակների մասին խոսելով.
«Սա մեր բոլոր խնդիրների, բոլոր պրոբլեմների լուծումն է... Աժ նախագահ Ալեն Սիմոնյանը պարտավոր է մեր արձագանքին ձեռնամուխ լինել և հրավիրել մեր պահանջած մարդկանց՝ ԱԱԾ տնօրենին և Գլխավոր դատախազին: Ես էստեղ տեսնում եմ նաև տնտեսական խնդիր: Այսօր, անվտանգությունից բացի, այո՛, ոչ պակաս կարևոր խնդիր է նաև տնտեսականը: Ինչպես գիտեք, ապրանքաշրջանառության շուրջ 40 տոկոսը մեզ մոտ կատարվում է Պարսկաստանի կողմից. ի՞նչ է լինելու, եթե վաղը, մյուս օրը՝ սա վտանգված լինի»: