Այսօր իր ճեպազրույցի ժամանակ ՌԴ ԱԳՆ ներկայացուցիչ Մարիա Զախարովան, պատասխանելով հայազգի լրագրողի հարցին` Արցախում Ադրբեջանը քանդում է հայերի տները` նրանց վերադարձը դարձնելով անհնարին, պատասխանեց.
«Խոսքն Ադրբեջանի տարածքի մասին է: Այնտեղ գործում են այդ երկրի օրենքները: Ինչ վերաբերում է մշակութային օբյեկտներին, ապա այդ հարցն ուղղեք միջազգային կառույցներին, օրինակ` ՅՈՒՆԵՍԿՕ-ին, ոչ` մեզ: Մենք ցավում ենք այն մարդկանց համար, ովքեր լքել են իրենց տները, սա մեծ ողբերգություն է: Բաքուն կառուցողական քայլեր է կատարել, որպեսզի այդ մարդիկ կարողանան վերադառնալ իրենց տները:
Ընդգծեմ` հնարավորություն տրվել է` վերադառնալու:
Բայց Երևանն ինչ արել, արել է: Մինչև հիմա էլ վերադարձի հնարավորություն կա, եթե մարդիկ ուզում են վերադառնալ, թող վերադառնան, քանի այդ հնարավորությունը կա»:
***
|
Հայերը չեն վերադառնում, որովհետև վախենում են իրենց կյանքի ու անվտանգության համար, նրանք չեն վստահում Ադրբեջանին, Մարիա Զախարովայի ճեպազրույցի ժամանակ նկատեց հայազգի լրագրողը: «Բայց կներեք, պաշտոնական Երևանն ինչ արեց, որ մարդիկ կարողանան վերադառնալ: Նրանց հարցրեք, ես ՌԴ ԱԳՆ-ի ներկայացուցիչն եմ: Մենք առանց այն էլ շատ մեծ պատասխանատվություն ենք կրում և մեծ ջանքեր ենք կիրառում`օգնելով այն մարդկանց, ովքեր մեզ դիմում են»,- հակադարձեց Զախարովան: |
