«Մարտունիում իրականացված բազաթիվ ծրագրերից ու ծառայություններից օգտվում են նաև արտագնա աշխատանքի մեկնողների ընտանիքները, բարեկամները՝ ճանապարհներ, հիվանդանոցներ, դպրոցներ, մանկապարտեզներ, լուսավորություն ու, կներեք, տրամաբանություն չկա, որ մեկն ասում ա՝ ես չեմ ուզում հարկ վճարել, չի լինի էդպես, բոլորս պետք է հարկ վճարենք, այլ բան, որ հարկային համակարգը պետք է լինի արդարացի: Հարկ վճարելն անհրաժեշտ է պետության զարգացման համար»,- անդրադառնալով արտագնա աշխատանքի մեկնող մարտունեցիների բողոքի ակցիային՝ հայտարարել է վարչապետ Նիկոլ Փաշինյանը: Նրա խոսքով՝ հարկ վճարելու նկատմամբ մեր վերաբերմունքը պետք է փոխվի, իսկ օբյեկտիվ բողոքները ստանան արձագանք. «Վճարած հարկն էն չի, որ մեր գրպանից հանում, տալիս ենք ուրիշին, էդ փողերն օգտագործվում են երկրի անվտանգության, ենթակառուցվածքների համար, էդ միջոցներն օգտագործվում են այդ թվում արտագնա աշխատանքի մեկնողների երեխաների կրթության համար»: