Արդեն տեղեկացրել ենք, որ համացանցում լուրեր էին տարածվել, ըստ որոնց՝ երգչուհի Լիլուի երեխայի հայրը՝ Արմանը, պատրաստվում է ամուսնանալ Մաշա անունով աղջկա հետ, ով «կորած աղջիկ չէ և հարուստ փեսացուներ որսալու սիրահար է»:
Թեմայի հետ կապված Blognews.am-ը զրուցել է երգչուհու հետ: Զրույցից մի հատված ներկայացնում ենք ստորև.
«Անկեղծ ասած՝ նրա ամուսնության լուրն ինձ համար էլ էր նորություն, քանի որ հետաքրքրված չեմ նրա անձնական կյանքով: ԱՄՆ տեղափոխվելուց ամսիներ անց մենք դադարել ենք շփվել և այլևս կապ չունենք իրար հետ: Ինչ վերաբերում է նրա կյանքում եղած կանանց, գիտեմ, որ անգամ իմ հղիության ընթացքում նրանց պակասը երբեք չի զգացել, նրա կյանքում կանայք եղել են և դեռ կլինեն: Ես երբեք չեմ սիրել անձնական կյանքիս մասին բարձրաձայնել, խոսել, բայց հասկանում եմ՝ հանրային մարդկանց դեպքում դրա հանդեպ հետաքրքրություն կա, բայց եթե նա արդեն լուսանկարներ է հրապարակում այլ կնոջ հետ, ես հանգիստ կարող եմ խոսել մեր բաժանության մասին: Հույս ունեմ՝ սա կլինի վերջին հրապարակումն իմ անձնական կյանքի մասին»,- նշել է երգչուհին։
Լիլուն նշել է, որ օրինական ամուսնացած չեն եղել, պարզապես միասին ապրել են: «Երբ Հայաստանում էինք, երեխային շատ լավ էր վերաբերվում, միասին հետաքրքիր օրեր ունեցել ենք: Իր տղան երևի նրա ամենամեծ երազանքն էր այն ժամանակ:
Նա շատ դժվար տարավ այն փաստը, որ մենք մեկնում ենք, շատ դժվար բաժանվեց երեխայից օդանավակայանում: Դրանից, իհարկե, արդեն շատ ժամանակ է անցել, ես հիմա իմ ուժն ու եռանդը դնում եմ տղայիս լավ մեծացնելու գործում, և ամեն ինչ անում եմ, որպեսզի նրա համար լավ լինի, իսկ մնացածն ինձ չի հետաքրքրում»:
Առավել մանրամասն՝ սկզբնաղբյուր կայքում
Կարդացեք նաև՝ Ես չեմ հանվում հայտնի դառնալու համար. Լիլու
