Կարեն Հեքիմյանը ֆեյսբուքյան իր էջում գրում է․ «Ինչու՞ է աղմկում Ucom-ը:

Վերջերս գրել էի, որ Ucom-ը դյուբելներ և պտուտակներ է խնայում: Կարծիք էի հայտնել, որ վերջինս դյուբելների և պտուտակների բիզնեսի մեջ է մտել: Խնդիրն այն է, որ Ucom-ի աշխատակիցները բնակարաններում ինտերնետ-սարքը տեղադրելիս, պատի մեջ անցքերը բացում են առանց դռելի` բացառառապես պտուտակահանի և պտուտակների օգնությամբ: Ավելին` վերջիններս պատի մեջ բացում են չօգտագործվող անցքեր, իսկ օգտագործվող անցքերի մեջ չեն տեղադրում դյուբելներ:

Ինչևէ: Ucom-ը կարդացել է գրածս և սկսել է «աղմկել»: Իրականում` աղմկել: Հեռախոսիս անընդհատ SMS է գալիս: Մի օր սրանք գրում են, որ «Ucom tsarayutyan Dzer haytn yndunvel e. Hayti kargavichaki masin kteghekacnenq arajikayum»:

Մի երկու օր հետո` «Ucom tsarayutyan Dzer haytn yntacqi mej e. Hayti kargavichaki masin kteghekacnenq naev arajikayum»: Այնուհետև` փորձում են երրորդ անձանց միջոցով կապ հաստատել: Մի խոսքով` ջղաձգված աղմկում են: Անկեղծ` անհասկանալի է, թե սրանք ինչ են ուզում: Մասնավորապես` ի՞նչ է նշանակում «Hayti kargavichak»կամ «arajikayum»-ը դա ե՞րբ է և ինչու՞ է անհրաժեշտ անընդհատ կրկնել, որ «kteghekacnenq naev arajikayum» անհասկանալի բառակապակցությունը:

Եվ, ամենակարևորը` Լեզվի կոմիտե, ինչու՞ է Ucom-ը Հայաստանում, Հայաստանի քաղաքացիների հետ շփվելիս, աղմկում լատինատառ չգիտեմինչով:

Տեսանյութում և նկարում երևում է Ucom-ի աշխատակիցների «արհեստավարժ» աշխատանքի արդյունքը:

Ամոթ Ucom-ին»: