Այսօր երեկոյան Վիեննայում կկայանա «Եվրատեսիլ-2015»-ի եզրափակիչ փուլը։ «Եվրատեսիլ» երգի մրցույթի նախորդ տարիների քվեարկության տվյալները ցույց են տալիս, որ որոշ երկրներ շարունակաբար լավ կատարումներով են հանդես գալիս, այս եզրահանգմանն է եկել բրիտանական  The Guardian պարբերականը:

Ո՞վ կլինի Կոնչիտա Վուրսթի իրավահաջորդը։ The Guardian-ը ներկայացրել է իր կանխատեսումները, որը հիմնված է 2 տարվա ուսումնասիրությունների վրա: Պարբերականի մոդելում շեշտը չի դրվել երգերի որակի վրա, այլ քվեների միջին քանակի, որը յուրաքանչյուր մասնակից ազգ ստացել է վերջին 12 տարիներին։ Հաշվի են առնվել նաև երկրների աշխարհաքաղաքականությունը ու նախկին ելույթները։ Որպես իր կանխատեսումների ճշգրիտ լինելու օրինակ՝ աղբյուրը նշում է, որ 2011-ին կանխատեսել էր հաղթողին` Ադրբեջանին: Իսկ 2013-ին աղբյուրի սատարած մասնակիցը` Ադրբեջանը, երկրորդն էր եղել: Ուստիև առանց ավելորդաբանությունների աղբյուրը 2015-ի հաղթող է հռչակում Հայաստանին:   

Ներկայացնում ենք The Guardian-ի կանխատեսած հաղթողների թոփ 10-յակը՝

1. Հայաստան
2. Սերբիա
3. Շվեդիա
4. Ադրբեջան
5. Հունաստան
6. Ռուսաստան
7. Հունգարիա
8. Բելգիա
9. Հունաստան
10. Նորվեգիա