Ապրիլի 7-ին, արտակարգ դեպք է տեղի ունեցել Երևանում:

Ժամը 10:00-ի սահմաններում Ոստիկանության Մաշտոցի բաժին ահազանգ է ստացվել, որ հրազենային վնասվածքով Հալաբյան փողոցի 47 շենքի բնակարաններից մեկում երիտասարդ տղայի դի կա:

shamshyan.com-ն է գրում այս մասին. ինչպես հայտնում է ֆոտոլրագրող Գագիկ Շամշյանը, այս պահին նշված շենք են ժամանել ոստիկանության Մաշտոցի բաժնի օպերատիվ-քննչական խումբը, ովքեր հայտնաբերել են 25-30 տարեկան՝ Հայկ անունով, երիտասարդի դին:

Հայտնաբերվել է նաև որսորդական հրացան:

Դեպքի վայրում օպերատիվ-քննչական խումբը պարզում է նաև, թե տեղի ունեցածը ինքնասպանություն է, դժբախտ պատահար, թե սպանություն: