Բելգիայում ապրող և ստեղծագործող հայ ջութակահարի կատարումը Ստրադիվարիուսի ջութակով հուզել է Մոսկվայի Շերեմետևո օդանավակայանի մաքսատան աշխատակիցներին։
Լյուվենի կոնսերվատորիայի պրոֆեսոր, ջութակահար Տիգրան Մահտեսյանը համերգային մի շարք կատարումներով ՌԴ-ում հանդես գալու համար ժամանել է Մոսկվայ։ Շերեմետևո օդանավակայանի մաքսատան աշխատակիցներ, նրա ձեռքին տեսնելով 1725 թ․ Անտոնիո Ստրադիվարիուսի 7,5 մլն դոլար արժեցող ջութակը (Ֆլորիան Լեոնարդի լոնդոնյան հավաքածուից), խնդրել են հնչեցնել այն։
Հայ երաժիշտը մաքսատան աշխատակիցների համար մինի-համերգ է տվել, որն ընդունվել է հիացմունքով։
Տիգրան Մահտեսյանը Վիվալդիի «Տարվա եղանակները» կատարել է իտալացի մյուս հանճարեղ ջութակագործի` Գվարների Դել Ջեզոյի 15 մլն դոլար արժեցող ջութակով։ Չայկովսկու անվան կոնսերվատորիայի մեծ դահլիճում տրված համերգից հետո հայ ջութակահարը հանդես կգա նաև Օրենբուրգում։
