Life.Pnorama.am-ը գրում է, որ հյուրընկալել է ռեժիսոր, դերասան Վահագն Գրիգորյանին՝ զրուցելով հեռուստատեսությունից բացակայության, հնարավոր կոնֆլիկտների, նոր նախագծերի, անձնական հարցերի և երազանքների շուրջ:

Վահագ, ավարտե՞ց իր հեռուստատեսային գործունեությունը «32 ատամ»-ը, թե՞ նորնախագծեր են սպասվում:

Միգուցե «32 ատամ» ակումբն ավարտեց իր հեռուստատեսային գործունեությունը, ինչը դեռ վիճելի է, սակայան կարևորն այն է, որ «32»-ը չդադարեց…Այն կա ու կլինի, քանի դեռ կան նրա «ծնողները»: «32»-ն իր կյանքը երկարացրեց ու էլ ավելի արժեքավորեց՝ թատրոնի վերածվելուց հետո: Այնպես որ նորությունները փնտրեք միայան «ԹԱՏՐՈՆ 32»-ում:

Արդյոք խնդիրնե՞ր են ծագել հեռուստաընկերությունների հետ:

Ոչ մի հեռուստաընկերության հետ խնդիրներ չունենք,  նման բան չկա: Պարզապես առայժմ չկա հեռուստատեսային նոր նախագիծ, որով դուրս գանք եթեր: Բացի այդ, հեռուստաընկերություններն էլ կարծեք թե կարիքը չունեն մեծ շոու-նախագծեր ունենալու,  ինչպիսիք էին «32 ատամ» ակումբը, «3 Պատ»-ը և այլն: Համագործկցության առաջարկներ առայժմ TV-ների կողմից չկա: Հուսամ, որ մի օր կվերադառնանք եթեր: Այս պահին մեր ամբողջ ուշադրությունն ու ստեղծագործական ուժն ուղղորդել ենք թատրոնի վրա:

Այսօր հեռուստատեսությամբ յուրաքանչյուր երկրորդ հաղորդում հումորային ուղղվածություն ունի: Ի՞նչն է պատճառը, դա ավելի՞ եկամտաբեր է, թե՞…

Հումորային ուղղվածություն յուրաքանչյուր հաղորդում կարող է ունենալ, այ ՀՈՒՄՈՐԱՅԻՆ հաղորդում ունենալ, դա արդեն, կասեի, մեր հեռուստաեթերում անհետացման եզրին է: Իսկ ինչ վերաբերում է պահանջարկին, այո, հումորը միշտ էլ եղել է պահանջված և ցանկալի,իսկ այն, ինչը պահանջված է ու ցանկալի՝ հետևաբար նաև եկամտաբեր է:

Բայց արդյոք դա բերո՞ւմ է մրցակցության և որակի լավացման:

Հումորիստների միջև չկա մրցակցություն, յուրաքանչյուր հումորիստ ունենում է իր հումորի մակարդակի հանդիսատես, հեռուստադիտող: Իսկ մրցակցություն, միգուցե, առաջանում է հեռուստաընկերությունների միջև:

Հումորը տարբեր չափանիշներ ունի, տարբեր որակներ: Ինչպիսի՞ն է այսօրվա հումորը ըստ ձեզ:

Լուրջ չէ….

Վահագ, դուք մասնագիտությամբ դերասան եք: Երբևէ չե՞ք փորձել հաստատվել խաղացանկային թատրոնում:

Այժ բանակցություներ եմ տանում «Թատրոն  32»-ի հետ, որպեսզի ինձ ընդունեն իրենց մոտ…եթե ոչ դերասան, ապա գոնե բեմի բանվոր (ծիծաղում է): Եթե ինքս ինձ լավ դրսևորեմ, միգուցե կընդունվեմ Վահագն Գրիգորյանի մոտ:

Ես շեշտեցի՝ խաղացանկային թատրոն… Ի դեպ, Ձեր նկարահանած «Ես եմ» ֆիլմը միանգամից ընդունվեց ու սիրվեց հեռուստադիտողի կողմից: Նոր ֆիլմի մասին չե՞ք մտածում:

Մտածում ենք, արդեն նոր ֆիլմեր ունենք, որոնք «ուղարկված» են տարբեր մարդկանց «սեղաններին»… Սպասում ենք:

Հետաքրքիր է. երբևիցե սերիալում նկարահանվելու առաջարկ չե՞ք ստացել:

Ես չեմ կարող զբաղվել մի բանով, որի վերջը չգիտեմ ինչ է…

Ամբողջական նյութը՝ սկզբնաղբյուր կայքում