Այսօր Բարսելոնայի Quiron Tecknon Idf ծննդատանը կեսարյան հատման միջոցով լույս աշխարհ է եկել 37-ամյա երգչուհի Շակիրայի և 27-ամյա հայտնի ֆուտբոլիստ Ժերար Պիկեի երկրորդ որդին: Իսպանական ԶԼՄ-երը հայտնում են, որ ներկա պահին նորաթուխ մայրիկը և փոքրիկն իրենց շատ լավ են զգում: Ըստ զույգին մոտ կանգնած աղբյուրների՝ Շակիրան և Պիկեն նախատեսում են իրենց որդուն անվանակոչել կամ Անդրեա կամ Սաշա:
Հիշեցնենք, որ մի քանի տարի առաջ այս նույն հիվանդանոցում, որտեղ այսօր ծնվել է փոքրիկը, լույս աշխարհ է եկել նաև նրանց առաջնեկը՝ Միլանը:
