hraparak.am-ը գրում է. Երեկ նայում էի «Վեցերորդ զգայարան» հաղորդաշոուն: «Զոհը» հաղորդավար Եգոր Գլումովն էր, ով բավականին մարտական էր տրամադրված: Հենց այդ մարտականությունը ու չհավատալու պահն ինձ գայթակղեց ու հաղորդումը նայեցի մինչ վերջ: Զերծ եմ մնում հաղորդմանը գնահատական տալուց: Բայց մի բանի չեմ կարող չանդրադառնալ, այն ուղղակի սարսափեցրեց ինձ:
«Կախարդներից» մեկը այսպես է նկարագրում վարագույրի ետևում գտնվող Գլումովին.
- Մեծ բերան ունի:
-Ուզում ես ասել լենինականցու բերա՞ն,- խորագիտական հայացքով միջամտեց Մերին:
Լավ է, որ հյուրը սթափ էր.
-Ես նման բան չասացի: - Ուզում եմ ասել, որ մեծ բերան ունի:
Տակտի բացակայություն, որ կարող է անդառնալի դառնալ Մերիի համար: Խոսքը վերաբերվում է տաղանդաշատ գյումրեցիներին և եթե Մերին նույնիսկ այդպես է մտածում, ավելորդ է ասել, որ հանրային եթերով բարձրաձայնելը լավ բանի մասին չի խոսում:
Մնում է համընդհանուր անուշադրութան մեջ ընդամենն ասել՝ Մերի, դա բա՞ն էր, որ եթերով ասացիր…
Հասմիկ ԲԱԲԱՋԱՆՅԱՆ
Նյութը՝ սկզբնաղբյուր կայքում
