Երգչուհի Նանան երկրպագուների դատին է հանձնել իր նոր աշխատանքը, որը կոչվում է «Իմն է նա»: Երգի երաժշտության հեղինակները Արմեն և Սուսաննա Խլղաթյաններն են, իսկ խոսքերինը՝ Անահիտ Մխիթարյանը և Արման Անտոնյանը: Տեսահոլովակում ամփոփված է երգչուհու ավելի քան 10 տարվա աշխատանքը բեմում: Ներկայացված են Նանայի տարիների ընթացքում արժանացած մրցանակներն ու պատվոգրերը, ինչպես նաև ներառված են կադրեր 2014թ-ի ընթացքում կայացած շուրջ 18 մենահամերգներից:
