Ֆեյսբուքյան օգտատերերը քննարկում են ու քննադատում երգիչ Մգեր Արմենիայի գրառումը, որով նա կասկածի տակ էր դնում Եվրատեսիլի հայաստանյան ընտրական փուլի անաչառությունը:
Քննադատական գրառումները , պարզվում է, Մհերը մաքրում է, ինչի առիթով օգտատերերից մեկը երգչին հիշեցրել է, որ եթե գրառումները կարելի է մաքրել, ապա ՝ մարդկանց հիշողությունն՝ անհնար է ջնջել, իսկ լրագրող Արմեն Սարգսյանը հետևյալ դիտարկումն է արել:
«Պատասխաններ ջնջելու վարպետին մի անգամ էլ գրեմ։ «Պեռվայա լեդի» երգի խրոխտ հեղինակ և համատեղության կարգով ՀՀ վաստակավոր արտիստ Մգեռ Առմենիան շտապել է ծախված լինելու մեջ մեղադրել հանձնաժողովում գտնվող ՀՀ վաստակավոր արտիստին, ԿԳՄՍ նախարարության ներկայացուցչին, ոլորտի անաչառ մասնագետներին։ Միևնույն ժամանակ, ծախված է համարել միջազգային ժյուրիին, որը միայն այսօր է ընտրելու մասնակցին, ինչպես նաև այս երեկո sms-ներ ուղարկելու պատրաստ քաղաքացիներին։ sms-ների սեփական գաղտնի աղբյուրներ ունեցողի համար, իրականում, Հեղափոխությունից հետո ցամաքել է գլխավոր, «պեռվայա» աղբյուրը։ Եվ այդ աղբյուրի հետ իր նկարները այս էջում հենց Հեղափոխության օրը ջնջելուց հետո Մգեռը փնտրում է ներշնչանքի նոր, ավելի վարար աղբյուրներ։ Եվ դեռ չի գտնում»։
Առաջին օգտատիրոջ գրառումը՝ ստորև.
