ԱԺ ՕԵԿ խմբակցության ղեկավար Հեղինե Բիշարյանին, ինչպես շատ պատգամավորների, հետաքրքրում էր հարցը, թե ինչու փոխեցին կառավարությունն ու կազմը և հետո, ինչ տարբերություն:
«Կառավարություն, որ այսօր ձևավորել ենք, պետք է որ էական լուրջխնդիրներ լուծեր և մեզ ներկայացներ այնպիսի ծրագիր, որ մենք վստահ լինեինք, որ էական փոփոխություն է լինելու: Ի տարբերություն նախորդ կառավարության ծրագրի, որտեղ ավելի ռիսկային տոկոսներ էր ամրագրված` 5-7 տոկոս տնտեսական աճ, սակայն կատարվեց 3.5-ը: Այս կառավարության տարբերությունը 1.5 տոկսոանոց է»,-ասաց պատգամավորը` մանրամասնելով.«3.5 տոկոսը իրականացվում է, խոստացել են 5, այսինքն, գումարած 1.5 տոկոս: Եվ 1.5 տոկոսի համար փոփոխությունը ի՞նչ իմաստ ուներ»:
Պատգամավորն անդրադարձավ նաև պարտադիր կուտակային կենսաթոշակային համակարգի հետ կապված Կառավարության մոտեցմանը: Նա նշեց որ սա նախորդ կառավարության հրաժարականների պատճառներից մեկն էր, բայց կարծես թե շարունակվում է նույնը, գրեթե որևէ փոփոխություն չկա:
Տիկին Բիշարյանի խոսքով` հարկային դաշտում գործարար աշխարհը չի գործում ստվերում, ունենք 40-60 տոկոս ստվերային տնտեսություն.«Սա նշանակում է, որ մենք գիտեինք դրա մասին, բայց, երբ ժողովրդին բերեցինք-հասցրեցինք այն աղքատության եզրին, որ այլևս այսպես հնարավոր չէ, կամք ենք ուզում դրսևորել` կանչել տղերքին, ասել` ժողովուրդ, ֆսյո, առավոտվանից մենք սկսում ենք հարկային դաշտում գործել: Կարծում եմ, որ նույն հաջողութամբ մի օր կարող ենք արթնանալ և ասել` տղերք, մենք այսօր ստվերային տնտեսությունում ենք լինելու»:
ԱԺ ՕԵԿ խմբակցության ղեկավարին հետաքրքրում էր, թե ինչու հանվեց շքեղության հարկը:
Վերջինիս խոսքը, սակայն ընդմիջում էին ՀՀԿ-ական պատգամավորները: Բիշարյանը մի քանի անգամ ձայնը բարձրացրեց՝ փորձելով հասկացնել, որ լսեն իրեն, սակայն քիչ հետո Առաքել Մովսիսյանը տեղից բարձաձայնեց, որ նախորդ տարիներին ՕԵԿ-ն իրենց հետ է եղել իշխանության: «Հիմա էլ է մերը, 131-ն էլ մերն են»,-արձագանքեց ԱԺ փոխխոսնակ Էդուարդ Շարմազանովը:
Անի Կարապետյան
