ԱԺ արտահերթ նիստում այսօր Ֆինանսների փոխնախարար Վախթանգ Միրումյանը ներկայացրեց «Եկամտահարկի մասին» օրենքում փոփոխություններ կատարելու մասին նախագիծը: Ըստ այդ նախագծի՝ արտագնա աշխատանքի մեկնողները, որոնք պետք է աշխատեն շինարարական աշխատանքների վրա, պետք է պայմանագիր կնքեն ՀՀ-ում գործող որեւէ համապատասխան կազմակերպության հետ եւ հետագայում 13 տոկոս եկամտահարկը եւ 5 տոկոս շահութահարկը վճարեն ՀՀ պետբյուջե, այլ ոչ թե տվյալ երկրի բյուջե:
«Ես հասկացա՝ ամեն ինչից ուզում ենք անել, որ արտերկրում աշխատողից էլ եկամուտ քաղենք»,-արձագանքեց ՕԵԿ խմբակցության ղեկավար Հեղինե Բիշարյանը:
Լուրջ օրենք ենք քննակում՝ թեթևամիտ ձևով: Ռուսաստանին հարցրե՞լ եք, որ նման օրենք եք ընդունում: Բա որ այստեղ նստածներից մեկը վերցնի ու Պուտինին նամակ գրի: Երկրորդ՝ ես հոգնել եմ արտասահմանցի հայ օլիգարխներից, դրանք այս պետությունը մի օր կքանդեն: Արդեն մենք լրիվ քանդում ենք հարկային դաշտը: Առաջին անգամ եմ տեսնում, որ որոշել են հարկային դաշտը տարբերակել ըստ աշխատանքների: Երրորդ՝ ի՞նչ եք ասում, ասում եք՝ արտագաղթի՞: Հոգնե՞լ եք մեզնից: Ես նման բան առաջին անգամ եմ տեսնում: Ո՞նց կարող է նման օրինագիծ մտնի ԱԺ: Մենք դարձել ենք մաֆիոզ ԱԺ»
