ՀՀ ԱԳՆ մամուլի քարտուղար Տիգրան Բալայանն անդրադարձել է ՌԴ-ում Թուրքիայի դեսպան Ումիթ Յարդըմի այն հայտարարությունը, թե Անկարան շփումների մեջ է ԼՂ հակամարտության երկու կողմերի հետ էլ:
Այս առիթով նա մասնավորապես նշել է.
«Հայաստանը Թուրքիայի հետ բանակցությունների և շփումների մեջ չէ և չի եղել»: Տիգրան Բալայանը հավանական է համարել այն, որ միգուցե թուրք դեսպանը նկատի է ունեցել հակամարտության կողմ արցախյան իշխանություններին, սակայն այդ հարցը պետք է ուղղել նրանց:
Նշենք, որ ավելի վաղ ՌԴ-ում թուրք դեսպանը հայտարարել էր, թե Անկարան շփվում է ԼՂ հակամարտության երկու կողմերի հետ էլ:
Russia Today գործակալությունում մամուլի ասուլիսին դեսպանն ասել էր. «Թուրքիան հսկայական ուշադրություն է դարձնում այդ խնդրի լուծմանը: Մենք փորձում ենք մեր մակարդակում երկխոսություն կառուցել հակամարտության երկու կողմերի հետ էլ»:
