Երևանի «Զվարթնոց» օդանավակայանում ձերբակալվել է Ռուսաստանի քաղաքացի Սերգեյ Միրոնովը:
Այս մասին հաղորդելով՝ ռուսաստանյան «Նովոստի» գործակալությունը, հղում անելով Սերգեյ Միրոնովի փաստաբան Կարեն Ներսեսյանին, նշում է, որ ՌԴ քաղաքացին ձերբակալվել է Միացյալ Նահանգների պահանջով:
30-ամյա Սերգեյ Միրոնովը, ով ռուս-բելառուսական մի ընկերության վիդեոտեխնոլոգիաների բաժնի ղեկավարն է և կնոջ հետ Հայաստան էր եկել հանգստանալու, այժմ գտնվում է կալանավայրում և սպասում է դատարանի որոշմանը` ԱՄՆ-ին արտահանձնելու վերաբերյալ:
«Մենք դեռևս չգիտենք, թե նրան ինչում են մեղադրում: Բերման ենթարկելիս հայտարարել են, որ նրան որոնում են ԱՄՆ իշխանությունները` 50 հազար դոլարի հասնող փողերի լվացման և ինչ-որ տեխնոլոգիաների փոխանցման համար», - «Նովոստի» գործակալությանը պատմել է փաստաբան Կարեն Ներսեսյանը:
