ԱԺ փոխնախագահ Էդուարդ Շարմազանովի կարծիքով՝ ժողովրդի կողմից ընտրված տեղական ինքնակառավարման մարմնի ղեկավարը պետք է շարունակի պաշտոնավարել:
«Ինձ համար առնվազն անակնկալ է, երբ վարչապետ Փաշինյանը Բաղրամյան 26-ից հայտարարում է, թե չի միջամտելու դատական համակարգի գործունեությանը, բայց միջամտում է կամ օրենսդիրի կամ տեղական ինքնակառավարման մարմինների աշխատանքներին», - այսօր ԱԺ-ում լրագրողների հետ ճեպազրույցում հայտարարել է Էդուարդ Շարմազանովը:
Նա վսահեցրել է, որ Հանրապետական կուսակցությունում Տարոն Մարգարյանի հրաժարական տալու մասին հարց չի քննարկվում:
Դիտարկմանը, թե վարչապետը հայտարարել է, որ Տարոն Մարգարյանը ընտրակաշառքներով է ընտրվել որպես Երևանի քաղաքապետ, Շարմազանովը արձագանքել է. «Ես էլ կարող եմ շատ բան ասել, շատերի մասին: Եթե կան փաստեր, թող փաստեր ներկայացնեն»:
ԱԺ փոխնախագահը նկատել է, որ Տարոն Մարգարյանը «բավականին հաջող քաղաքապետ է և մեծ ժողովրդականություն է վայելում»:
