Արդեն տեղեկացրել ենք, որ վարչապետ Նիկոլ Փաշինյանն այսօր Դիլիջանում հանդիպել է UWC-Դիլիջան միջազգային դպրոցի սաներին։
Վարչապետը դպրոցի հայ եւ օտարերկրացի սաներին ներկայացրել է կրթության մասին իր պատկերացումները, լսել է աշակերտների եւ ուսուցիչների կարծիքները։
Նիկոլ Փաշինյանն իր ելույթը հնչեցրել է անգլերենով և առանց կարդալու, ինչը հիացրել է ներկաներին:
Ավելացնենք նաև, որ Նիկոլ Փաշինյանը Դիլիջանի միջազգային դպրոցի մեքսիկացի սանին կոչ է արել հորդորել Մեքսիկայի մյուս ընկերներին ևս գալ և սովորել այստեղ: Վարչապետ Փաշինյանը նման հորդորով դիմել է դպրոցում կատարած շրջայցի ընթացքում իրեն հայերենով բարևած ուսանողին:
«Ես սիրում եմ Հայաստանը»,- մեքսիկացի ուսանող Մաքս Լոպեզը մոտեցել է և հայերենով ասել է վարչապետին:
Փաշինյանը հետաքրքրվել է՝ իր հետևից այս դպրոց մեքսիկացի այլ ուսանողներ բերե՞լ է արդյոք: Մաքսն անցել է անգլերենի՝ իրենից հետո դեռ եկողներ չեն եղել, սակայն իրենից առաջ շատ են եկել:
«Դու պետք է ասես մեքսիկացի քո ընկերներին, որ իրենք էլ գան ու սովորեն այս դպրոցում»,- ասել է Փաշինյանը, ինչից հետո Մաքսը նշել է՝ անպայման կհորդորի ընկերներին:
Կարդացեք նաև՝
Ինչպե՞ս է վարչապետ Նիկոլ Փաշինյանը պաղպաղակով լի հեծանիվ վարում Դիլիջանի միջազգային դպրոցում
