«Անկախ նրանից՝ ինչ վերաբերմունք ունեն անձի նկատմամբ, ես կարծում եմ, որ բոլորը պետք է արտահայտվեն, Քոչարյանը շատ բան գիտի, և նա այն մարդկանցից չէ, որ միայնակ խորտակվի».այս մասին այսօր մամուլի ասուլիսին նշեց «Մոդուս վիվենդի» կենտրոնի ղեկավար Արա Պապյանը: Վերջինս չի կարծում, որ ասուլիսի տապալումը գործող իշխանության կողմից է ուղղորդվել, նրա լսած մեկ այլ կարծիքի համաձայն էլ՝ հենց Քոչարյանի կողմից է ուղղորդվել, որ նա հարցերին չպատասխանի:
«Եթե Ռոբերտ Քոչարյանը ցանկանա խոսել, ապա այսօր էլ կարող է կազմակերպել ասուլիս, ուղիղ եթեր մտնել, և հասարակությունն իմանա Մարտի մեկի և շատ հարցերի մասին»: Նա նկատեց, որ դեռ Վճռաբեկ դատարանն էլ կարող է որոշում կայացնել:
Ըստ Պապյանի՝ երբ ասվում է, թե Քոչարյանն անձեռնմխելի է, սխալ է, և միայն իր կարգավիճակից բխող գործունեությունից բացի, մնացած բոլոր հացերում պատասխանատու է, ինչպես բոլոր քաղաքացիները:
«Ուղղակի առաջադրված մեղադրանքը դժվար ապացուցելի է, Վճռաբեկը պետք է հարցը քննարկի, Հատուկ քննչական ծառայությունը կարող է շատ այլ մեղադրանքներ առաջադրել, բազմաթիվ հանցագործություններ կան»,-ասաց նա:
Կարդացեք նաև՝ Եթե ընտրությունները մնան գարնանը, ունենալու ենք գազի ու հոսանքի հովհարային անջատումներ.Արա Պապյան