ՀՀ վարչապետի պաշտոնակատար, «Իմ Քայլը» դաշինքի ղեկավար Նիկոլ Փաշինյանը ընտրատեղամաս էր ներկայացել տիկնոջ՝ Աննա Հակոբյանի և դուստրերի հետ: Նրանք իրենց հետ վերցրել էին նաև «Ամպիկ» անունով շանը, որին Նիկոլ Փաշինյանին էին նվիրել Արագածոտնի մարզի գյուղացիները՝ քարոզարավի ժամանակ:
Քաղաքացիական պարտքը կատարելուց հետո Նիկոլ Փաշինյանը պատասխանել է լրագրողների հարցերին:
Հիշեցնենք, որ ԱԺ արտահերթ ընտրություններին մասնակցում է թվով 11 քաղաքական ուժ` 9-ը կուսակցություն և 2 դաշինք: Նշենք, որ ՀՀ-ում իշխանափոխությունից հետո իշխանությունը պահանջում էր ԱԺ արտահերթ ընտրություններ: Վարչապետ Փաշինյանը հրաժարական տվեց, Ազգային ժողովը երկու անգամ չընտրեց վարչապետ, ինչից հետո ԱԺ-ն իրավունքի ուժով արձակվեց:
Կուսակցությունների համար անցողիկ շեմ է համարվում 5 տոկոսը, դաշինքների համար` 7-ը:
2018-ի խորհրդարանական ընտրությունների վերաբերյալ ոստիկանության կողմից վարվող ռեգիստրի վերջնական ցուցակներում ընտրողների թիվը կազմում է 2,573,779-ը: ՀՀ-ում կա 13 ընտրատարածք, որից 4-ը Երևանում:
11 քաղաքական ուժերը ներկայացրել են 1471 պատգամավորի թեկնածու: