Այսօր ԱԺ փոխնախագահի ընտրության հարցի քննարկման ժամանակ ԲՀԿ խմբակցության անունից ելույթ ունեցավ խմբակցության ղեկավար Գագիկ Ծառուկյանը: Վերջինս նախ շնորհավորեց ԱԺ նախագահին և պատգամավորներին, ապա դիմեց «Լուսավոր Հայաստան» խմբակցության ղեկավար Էդմոն Մարուքյանին:
«Ուզում եմ մի երկու բառ ասել մեր կլասիկ պատգամավորին՝ Էդմոն Մարուքյանին: Ես ոչ մի խնդիր չունեմ «Լուսավոր Հայաստանի» հետ, ինքն է հարցը տվել, ես պատասխանել եմ, հետո ինքը մոտեցել է, իրա ձեռքը սեղմել եմ ու ամսի 10-ին էլ ջերմ շնորհավորել եմ: Իրենք ասում են՝ Ծառուկյանը պետք է քաղաքականությունից դուրս գա, Ծառուկյանը չլիներ՝ կլինեինք 2-րդ ուժը... դե կարելի էր «Իմ քայլին» էլ ասել՝ ինքն էլ չմասնակցեր, կլինեիք 1-ինը, ձեր ցավը տանեմ»,- ասաց ԲՀԿ առաջնորդը և հավելեց. «Որևիցե մեկը եթե փորձեց վիրավորել, դրա պատասխանը դակումենտալ, տեսաժապավենով ներկայացվելու է»:
Իր ելույթում ԲՀԿ առաջնորդը խոսեց նաև այն անելիքների մասին, որոնց այսօր սպասում է ժողովուրդը:
«Մենք այստեղ թշնամիներ չենք, հարկավոր է ներկայացնել հարցը, խնդիրը, թող ումը ավելի լավն է, իրականության կոչենք, ու ոչ մեկ էլ դեմ չի լինի: Ժողովրդի կյանքի բարեկեցություն է պետք ապահովել, որը հնարավոր է, և մեր թեկնածուն` Վահե Էնֆիաջյանը, դրա կողմնակիցն է լինելու, ու ամեն ինչ անելու է դրա իրակացման համար»:
Մանրամասները՝ տեսանյութում
