Ռեժիսոր Տիգրան Խզմալյանը ֆեյսբուքյան իր էջում տեսաուղերձ է տարածել՝ ազդարարելով 1921 թ. մարտի 16-ի ռուս-թուրքական պայմանագիրը չեղյալ հայտարարելու պահանջով ֆլեշմոբի մեկնարկի սկիզբը:
«Flash mob: 1921 թ. մարտի 16-ի հանցավոր եւ ապօրինի ռուս-թուրքական «պայմանագիրը» զրկել է ինձ պապերիս Հայրենիքից։ Միացեք՝ ասեք, թե որտեղից են եղել Ձեր նախնիները եւ պահանջեք ռուս-թուրքական պայմանագրի չեղարկում։ Դա Ցեղասպանությունից առավել ահավոր է՝ դա Հայրենազրկում է, Պատրիցիդ։ #epa, #patricide»,-գրել է Տիգրան Խզմալյանը տեսանյութին կից:
