Պեկինում տեղի է ունեցել Հայաստանի վարչապետ Նիկոլ Փաշինյանի և ՉԺՀ նախագահ Սի Ծինփինի հանդիպումը:
Պաշտոնական հաղորդագրությունը կներկայացնենք ավելի ուշ: Նշենք, որ Նիկոլ Փաշինյանը Սի Ծինփինին շնորհավորել է ՉԺՀ հիմնադրման ու չինական հեղափոխության 70 ամյակի առիթով ու հիշեցրել է, որ դեռևս 5-րդ դարի հայկական մատենագրերում է նշվել հայ-չինական կապերի մասին:
Հիշեցնենք, որ Նիկոլ Փաշինյանը տիկնոջ` Աննա Հակոբյանի հետ աշխատանքային այցով այսօր է ժամանել Չինաստանի Ժողովրդական Հանրապետություն: Պեկինի «Շոուդու» օդանավակայանում տեղի է ունեցել դիմավորման արարողությունը` պատվո պահակախմբի մասնակցությամբ:
Ազգային տարազներով երեխաները ծաղիկներ են նվիրել վարչապետ Նիկոլ Փաշինյանին և տիկին Աննա Հակոբյանին, որից հետո նրանց ողջունել են ՉԺՀ կոմունիստական կուսակցության կենտրոնական կոմիտեի քարոզչության բաժնի փոխնախարար Գոու Վեյմին և Հայաստանում Չինաստանի արտակարգ ու լիազոր դեսպան Թիեն Էրլունը:
Դիտեք նաև՝
