Քիչ առաջ Արմենիա հեռուստաընկերության «Մարդկային գործոն» նախագծի շրջանակներում մեկնարկեց «Մեկ հայ, մեկ հոդված» համահայկական նախագիծը, որի նպատակն է խթանել հայերեն Վիքիպեդիայում հայալեզու հոդվածների քանակությունը: Ըստ նախագծի կազմակրեպչիների այս ձևով հայերեն Վիքիպեդիան էլ ավելի մասսայական կդառնա և մարդիկ ավելի շատ հայերեն լեզվով հոդվածներ կկարողանան կարդալ կայքում:
Ծրագրի գլխավոր նպատակներից մեկն այն է, որ մեզնից յուրաքանչյուրն առնվազն մեկ հայերենով խմբագրված հոդված տեղադրի hy.wikipedia.org կայքում: Արշավին արդեն իրենց մասնակցությունն են ցուցաբերել քաղաքական գործիչներ, երգիչներ, դերասաններ և ուղղակի սրտացավ հայեր: Եթե ցանկանում եք մասնակցել «Մեկ հայ, մեկ հոդված» արշավին և չգիտեք ինչպես, կարող եք դիմել Վիքիմեդիա Հայաստան գիտակրթական հասարակական կազմակերպության գրասենյակ` Այգեստան 1/30, զանգահարել 010-57-53-97 հեռախոսահամարով կամ գրել info@wikimedia.am հասցեին:
