Բլոգեր Տիգրան Քոչարյանն, անդրադառնալով Ստյոպա Սաֆարյանի՝ Ինգա և Անուշ Արշակյանների հասցեին վիրավորանք պարունակող գրառմանը, իր ֆեյսբուքյան էջում գրել է.
«Սաֆարյան Ստյոպիկը լրիվ չափերը տվել անցել ա:
Մի հատ սրա գրածը կարդացեք Ինգա և Անուշ Արշակյանների մասին:
Ինչ ասեմ սրա մասին:
Սաֆարյան դու քո մանր հոգովդ ու էությամբդ Գյոթե ես: Մաքուր:
Ու մի մոռացի, որ մարդիկ, ընկեր , ախպեր ու բարեկամ ունեն: Ու որ հայ կնոջը վիրավորել չի կարելի, այ հայ քաղաքական մտքի կոնչիտա»:
Հիշեցնենք, որ Ինգա և Անուշ Արշակյանները, ովքեր ընդգրկված են եղել Եվրատեսիլի հայաստանյան ժյուրիի կազմում, aravot.am-ի հետ զրույցում, խոսելով Ավստրիայի ներկայացուցչի մասին ու լրագրողի դիտարկմանը, որ ասում են՝ պետք է հարգել փոքրամասնությանը՝ պատասխանել են. «Հարգանքի աստիճաններ կան: Եթե խոսենք տոլեռանդության մասին, ամենատարածված բանն է Եվրոպայում, ապա ես երեւի թե դեմ եմ ցանկացած ձեւի ագրեսիային եւ ցանկացած տեսակի մարդկային բնաջնջմանը դեմ եմ: Եթե համարենք, որ այդ մարդիկ հիվանդ են, նրանց կարելի է բուժել եւ այդ առումով իմ հակակրանքը հասկանալի է: Ինչպես հոգեկան հիվանդն է հակակրանք առաջացնում, այնպես էլ նման երեւույթները: Իմ հակակրանքը ճիշտ այդպիսին է: Ես ոչ թե ագրեսիվ եմ, այլ՝ մերժողական այդպիսի դրսեւորումների հանդեպ»/ պատասխանը տվել է Անուշ Արշակյանը/:
Իսկ Ստյոպա Սաֆարյանն, անդրադառնալով վերը նշվածին, գրել էր.
«Ինչպես հոգեկան հիվանդն է հակակրանք առաջացնում, այնպես էլ նման երեւույթները». Ինգա եւ Անուշ Արշակյաններ
Եւ այս երկու թթվի քարը 2009թ. իմ երկիրն էին ներկայացնում, իսկ ես Անգլիայից իմ կուրսընկերներին համոզում էի տոլմա փաթթող /իսկեւիսկ՝ տոլմաչեւ քուրոներ/ այս տգետների օգտին sms-ներ ուղարկել: Գոնե Աստծուց վախեցեք, այ տգետներ: Ոչ մեկ Աստծուն չի խնդրել, որ իր հարազատին, սիրելիին հոգեկան խանգարում տա, որից դուք՝ քաղքենիներդ հակակրանք ունենաք: Տեսնես ո՞վ է սրանց իրենց տուն տանելու ու իր արյունը խառնի սրանց հետ, մի բան էլ՝ թողնի որ իրենց սերնդին սրանք դաստիարակեն: Ավելի լավ է մի ամուսնացեք, որ քոքներդ կտրվի: Ուղղակի հակակրելի եք եւ դեռ մեղմ եմ արտահայտվում: Պոպոկն ու պնդուկը արդեն դատողություններ են անում»:
Ի դեպ՝ նշենք, որ նույն թեմային անդրադարձել է նաև հեռուստահաղորդավար Պետրոս Ղազարյանը:
