▲ Դեպի վեր

lang.iso lang.iso lang.iso

Հակոբ Ինջիղուլյանը կապ է հաստատել հարազատների հետ

Արդեն տեղեկացրել ենք, որ 1 տարուց ավել Ադրբեջանում գտնվող հայ ռազմագերի Հակոբ Ինջիղուլյանը տեղափոխվել է երրորդ երկիր:

Երեկ Հակոբը կապ է հաստատել հարազատների հետ: Այս մասին ASEKOSE.am-ի թղթակցի հետ զրույցում ասաց Հակոբ Ինջիղուլյանի եղբայրը՝ Հարություն Ինջիղուլյանը:

Մեր զրուցակիցը նշեց, որ եղբոր հետ զրուցել են տարբեր թեմաներով: Հակոբը հայտնել է, որ առողջական խնդիր չունի,  այս պահին գտնվում է փախստականների ճամբարում և ամեն ինչ լավ է:

Իսկ թե վերջնական որ երկրում է նա բնակվելու, դեռևս չի հաղորդվում:

Հիշեցնենք՝ Հակոբ Ինջիղուլյանը 2013-ի օգոստոսի 7-ի լույս 8-ի գիշերը, ժամը 3:00-ի սահմաններում, ծառայությունն իրականացնելու ժամանակ տեղանքում չկողմնորոշվելու հետևանքով  հատել է ղարաբաղա-ադրբեջանական սահմանը, հայտնվել  հակառակորդի պահպանության տակ գտնվող տարածքում և գերեվարվել:

Պաշտպանության նախարարությունը  հավաստիացրել է, որ  հայրենիք վերադառնալու դեպքում Հակոբ Ինջիղուլյանը  պատասխանատվության չի ենթարկվի:

 

 

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Բլոգ ավելին