2014-ի հունվարի 22-ի առավոտյան Եվրամայդանի 20-ամյա ակտիվիստ Սերգեյը զոհվեց դիպուկահարի փամփուշտից Կիևի Գրուշևսկու փողոցում։ Ուկրաինական Բերեզնովատովկա գյուղում մեծացած հայազգի Սերգեյ Նիգոյանին վիճակված էր դառնալ Մայդանի առաջին զոհը. գրում է Обозреватель-ը։    

«Մարդիկ ամբողջ աշխարհից մինչ օրս զանգահարում են, աջակցում։ Պարզապես ասում են՝ Շնորհակալություն ձեզ ձեր որդու համար»,- պատմել է Սերգեյի հայրը՝ Գարեգին Նիգոյանը։ Սերգեյի ծնողները լուռ և համեստ մարդիկ են, դեռ չեն կարողանում համակերպվել այդ ողբերգական փառքի  հետ։   Հուլիսին գյուղում կանգնեցվել է Սերգեյի արձանը, իսկ գարնանը նրա դպրոցի պատին հուշատախտակ է փակցվել։  

Սերգեյի հայրը պատմում է, որ Եվրամայդանի տարելիցին իրեն կնոջ հետ հրավիրել են Կիև, սակայն նրանք որոշել են չգնալ։ Գարեգինը չի ցանկանում իրեն և կնոջը կրկին ենթարկել ծանր հիշողությունների...