«Արմենիա» հեռուստաընկերության «Ժամը» լրատվական ծրագրի հաղորդավարուհիՄերի Շահինյանի համար մայիսի 13-ը կյանքի ամենահիշարժան օրերից մեկը դարձավ։ Մերին այսօր ամուսնության անակնկալ առաջարկ է ստացել Գերմանիայում բնակվող երիտասարդ գործարար Արտաշես Մարգարյանից։ Արտաշեսը հատուկ այդ նպատակով է 22 տարվա բացակայությունից հետո Երևան ժամանել Ֆրանկֆուրտից, որտեղ ծնողների հետ ապրում է վերջին տարիներին։ Մերին և Արտաշեսը միմյանց ճանաչում և հանդիպում են մոտ մեկ տարի և ինչպես ամուսնության առաջարկն, այնպես էլ այդ նպատակով պատվիրված ադամանդակուռ մատանին հաճելի անակնկալ են եղել. հաճելի լուրը զույգը նշել է մտերիմների հետ միասին։ Շուտով սպասվում է նաև նշանադրության «պաշտոնական» արարողությունը, երբ Գերմանիայից հայրենիք կժամանեն փեսացուի ծնողները։
Հարսանիքի օրն ու տեղն, ինչպես նաև համատեղ բնակության վայրը զույգը դեռ չի որոշել։
Asekose.am-ը շնորհավորում է Մերիին ու Արտաշեսին և ցանկանում երջանկություն ու անսպառ սեր։
