Wnews.am-ը շարունակում է ներկայացնել հայ քաղաքական գործիչների կանանց։ Այս անգամ ներկայացնում ենք ըննդիմադիր պատգամավոր Նիկոլ Փաշինյանի կնոջը։
Աննա Հակոբյանը եւս մանսագիտությամբ լրագրող է եւ հանդիսանում է «Հայկական ժամանակ» թերթի գլխավոր խմբագիրը։
Պատգամավորը կնոջ հետ ծանոթացել է 1995թ. «Մոլորակ» թերթի խմբագրությունում, երբ Նիկոլն արդեն ճանաչված լրագրող էր, իսկ Աննան առաջին կուրսեցի, ով գնացել էր խմբագրություն նյութ հանձնելու։
«Շատ էի լսել Նիկոլ Փաշինյան անուն ազգանունը եւ ինձ հետաքրքիր էր, թե ինչպիսին է նա»,-պատմում է Աննան։
«Ինձ համալսարանից հեռացրեցին, քանի որ քաղաքական հայացքները չէի կիսում ռեկտորի հետ։ Այդ ժամանակ քարոզչություն էր իրականացվում, թե ինչպիսին չպետք է լինի ուսանողը եւ որպես օրինակ ես էի բերվում, ինչն էր անձիս հանդեպ հետաքրքրություն էր առաջացնում»,- պատմում է Փաշինյանը։
Աննան պատմում է, որ Նիկոլը հիանալի ամուսին ու հայր է։ Չնայած հագեցած աշխատանքային գրաֆիկին, հասցնում է ժամանակ անցկացնել երեխաների հետ։
Նիկոլ Փաշինյանը հաճախ է կնոջը ծաղիկներ նվիրում։
Նիկոլ Փաշինյանն ու կինը հաճախ են այցելում թատրոն։ Տանը նրանք անգամ արկղ ունեն, որում պահում են իրենց այցելած բոլոր ներկայացումների տոմսերը։
Աննան Նիկոլ Փաշինյանին պարգեւել է երեք դուստր եւ մեկ որդի:
Նյութը՝ սկզբնաղբյուր կայքում
