Հանրային հեռուստառադիոընկերության խորհուրդը մրցույթ է հայտարարել Հանրային ռադիոընկերության գործադիր տնօրենի թափուր պաշտոնի համար:
Հիշեցնենք, որ Արմեն Ամիրյանը, ով ՀՌ-ը ղեկավարում էր 1997 թվականից,աշխատանքից ազատվելու դիմում էր ներկայացրել դեկտեմբերի 8-ին:
Ըստ ասեկոսեների, Հանրային ռադիոընկերության գործադիր տնօրենի մրցույթում հաղթելու է Սերժ Սարգսյանի նախկին մամուլի քարտուղար Արման Սաղաթելյանը, ով ակտիվորեն մասնակցում էր «Այո»-ի քարոզարշավին:
Հատկանշական է, որ ՀՀ նախագահի մամուլի քարտուղարի պաշտոնը թողնելուց հետո, ի տարբերություն իր նախորդների, Արման Սաղաթելյանը երկար ժամանակ անգործ էր մնացել:
Ասում են՝ մի քանի պաշտոններում աշխատելու նրա ցանկությունն ու խնդրանքը իշխանությունները անպատասխան են թողել և , ի վերջո, առաջարկել Հանրային ռադիոընկերության գործադիր տնօրենի աթոռը, ինչն, ըստ ասեկոսեների, Արման Սաղաթելյանի սրտով չէ, սակայն այլ տարբերակ չունի:
Ի դեպ, հենց Արման Սաղաթելյանն է առաջինը իր հայտը ներկայացրել մրցույթին:
Հեղինակ՝
Մարգո Բաղինյան
