Փետրվարի 24-ի երեկոյան Մերձմոսկովյան շրջանում հայ գործարար է սպանվել: Այս մասին հաղորդում է ռուսական Московский Комсомолец թերթը: Հայաստանի երկու քաղաքացիների գնդակահարել են Մոսկվայի երկրամասի Շելկովոյի շրջանի Օբրազցովո բնակավայրում։
Պարբերականը նշում է, որ իրավապահ մարմինները հայտնել են, որ ժամը 15:40-ին, որ «Օխոտնիչիյ դվորիկ» սրճարանի մոտ Лексус GX» մակնիշի մեքենայում կրծքի շրջանում հրազենային վնասվածքով հայտնաբերել են 34-ամյա Սերգեյ Մկրտչյանի դին։ Վերջինս «Մեդկոմ» ՍՊԸ-ի տնօրենն էր, որը զբաղվում է բժշկական գործունեությամբ, այդ թվում` ավտոիրավունք ստանալու համար պահանջվող տեղեկանքներ և այլն։
Նույն վայրից աջ կոնքի հրազենային վիրավորումով հիվանդանոց է տեղափոխվել 34-ամյա Բաղդասարյանը (անունը չի նշվում):
Մկրտչյանը մեքենայով գտնվել է ավտոլվացման կետում, երբ մեքենայից մոտեցել է մոտ 180 սմ հասակով տղամարդ եւ կրակ է բացել։ 5 կրակոց արձակելով՝ նա թաքնվել է դեպքի վայրից։ Նրա դեմքը փակված է եղել շարֆով կամ դիմակով։ Չորս գնդակ դիպել են Մկրտչյանին, եւս մեկը՝ նրա ընկերոջը։
Դեպքի վայրում իրավապահները հայտնաբերել են ТТ տեսակի ատրճանակ: Դեպքի առիթով հարուցվել է քրեական գործ, տարվում է քննություն:
