Ֆուտբոլի Գերմանիայի առաջնության 23-րդ տուրում Դորտմունդի «Բորուսիան» Հենրիխ Մխիթարյանի գոլի ու գոլային փոխանցման օգնությամբ  սեփական հարկում 3:1 հաշվով կամային հաղթանակ տարավ «Հոֆենհայմի» նկատմամբ: «Բորուսիան» կարողացավ հաղթանակ տանել գոլերը խփելով խաղավարտին: Հայաստանի հավաքականի կիսապաշտպան Հենրիխ Մխիթարյանը անկյունային հարվածի խաղարկման արդյունքում իր 9-րդ գոլը խփեց Գերմանիայի ընթացիկ առաջնությունում:Մխիթարյանը 80-րդ րոպեին հավասարացրել է հաշիվը, իսկ լրացուցիչ ժամանակում արդյունավետ փոխանցում է կատարել Օբամեյանգին: