Երևանի Էրեբունի համայնքում գտնվող ՀՀ ոստիկանության պարեկապահակային ծառայության գնդի տարածք ներխուժածներից մեկը վիրավոր է եւ արյան փոխներարկման կարիք ունի:
Այս մասին լրագրողներին տեղեկացրել է Ազգային ժողովի ընդդիմադիր պատգամավոր Նիկոլ Փաշինյանն, ով այցելել է դեպքի վայր և ներսում զրուցել է Պավել Մանուկյանի և Վարուան Ավետիսյանի հետ:
«ԿՌԱԶ-ով եկել են, դարպասներին հարվածել, ներս մտել, զինաթափել ոստիկաններին: 7-8 ոստիկան է եղել ներսում»,- ասել է Փաշինյանն ու նաև նշել, որ պատանդների թվում է նաեւ ՀՀ ոստիկանության պետի տեղակալ Վարդան Եղիազարյանը: Ըստ աեկոսեների, ներսում է նաև Երևանի փոխոստիկանապետ Վալերի օսիպյանը. վերջինս հրաժարվել է «Ա1+»-ի հետ հեռախոսազրույցից:
Հիշեցնենք, որ ԱԱԾ-ն հաղորդագրություն է տարածել հայտնելով, առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք և բռնության սպառնալիքով պահում են այնտեղ գտնվող անձանց: Զինված անձանց հետ ներկայումս վարվում են բանակցություններ՝ ՀՀ իշխանություններին նրանց խաղաղ հանձվելը կազմակերպելու համար:
