«Այ քեզ բաան. ինչ չէինք լսել՝ լսեցինք. Հայաստանի հավաքականի գլխավոր մարզիչ Վարուժան Սուքիասյանն ասում է, թե լրագրողների մեջ տիրող վատ մթնոլորտը բերեց նրան, որ հավաքականում այսքան վնասվածքներ կան: Տեսնես սա խաղից առա՞ջ է ինչ-որ կասկածելի բան ծխել, թե 0-5 հաշվից հետո...»,-գրել է Համլետ Կիրակոսյանը ֆեյբուքյան իր էջում՝ անդրադառալով Հայաստանի հավաքականի գլխավոր մարզիչ Վարուժան Սուքիասյանի մեկնաբանությանը՝ սեփական հարկի տակ Ռումինիայի հավաքականի կրած 0-5 հաշվով պարտությունը:
«Եթե այս ծանր վիճակը չլիներ, ես հաստատ հրաժարական կտայի: Յուրա Մովսիսյանի հետ պայմանավորվածություն ունեի, պետք է հանդիպեի նրա հետ, բայց նա չեկավ: Թիմի կազմից բազմաթիվ խաղացողներ էին պակասում, վերջին պահին էլ հարձակվողը վնասվածք ստացավ: Նրանք ուժեղ էին, բայց խաղի սկիզբը մեզ համար շատ վատ դասավորվեց:
Ինչու՞ այսպես ստացվեց: Հավանաբար, այդ վատ մթնոլորտն էլ որ տիրում է ձեր (լրագրողների) մեջ, բերեց նրան, որ հավաքականում այսքան վնասվածքներ կան:
Ի՞նչպես պետք է այս խաղից հետո երեք օր անց խաղանք Լեհաստանի հավաքականի հետ: Կմտածենք, կտեսնենք...
Ես ամբողջ մեղքը վերցնում եմ ինձ վրա: Բայց այսպիսի վիճակում չեմ կարող թիմը թողնել: Ես այդքան տղամարդկություն ունեմ, որ չթողնեմ թիմը այսպիսի վիճակում:
Դանիայում նախընտրեցի խաղալ հինգ պաշտպանով: Այսօր, հաշվի առնելով, որ սեփական հարկի տակ ենք խաղում, որոշեցի չորս պաշտպանով խաղալ: Կրկնում եմ, պատասխանատավությունը վերցնում եմ ինձ վրա, սխալվեցի»,-մասնավորապես ասել է Վարուժան Սուքիասյանը:
