Հայաստանում արդեն բիզնեսի համար դրական փոփոխություններ են նկատելի: Այս մասին ՌուսԱրմԻնֆոյի հետ զրույցում ասել է «Տաշիր» գրուպի սեփականատեր Սամվել Կարապետյանը ՀՀ վարչապետ Կարեն Կարապետյանի հետ Ռուսաստանում Հայաստանի դեսպանատանն անցկացված հանդիպումից հետո:
««Տաշիր» ընկերությունը մշտապես ակտիվ բարեգործական և ներդրումային գործունեություն է ծավալում Հայաստանում, սակայն այժմ մենք պատրաստ ենք երկրի տնտեսության մեջ ավելի մեծ միջոցներ ներդնել»,-ասել է Սամվել Կարապետյանը՝ նշելով, որ իր որոշումը կապված է ՀՀ վարչապետի պաշտոնում Կարեն Կարապետյանի նշանակմամբ: Գործարարը նաև հավելել է, որ «Տաշիր» ընկերությունն առաջին հերթին ավելի մեծ միջոցներ է ներդնում Հայաստանի էներգետիկ ոլորտում:
