«Ես ձեզ բարա՞թ տամ»,-հանրապետության երկրորդ քաղաքում հարցրել է վարչապետ Կարեն Կարապետյանը լրագրողներին,որոնք իրենից հետաքրքրվում էին, թե արդյոք Գյումրիի զարգացման ծրագրերն ավարտին են հասցվելու և ի՞նչ երաշխիք կա, որ դրանք կիսատ չեն մնա:
Վարչապետը լրագրողներին խորհուրդ է տվել լավատես լինել ու նշել է. «Չի կարելի այդպիսի տրամադրությամբ երկիրը փոխել, մի քիչ պրագմատիկ եղեք, մի քիչ ձեր տրամադրություններդ փոխեք, մենք եկել ենք աշխատատեղ ստեղծենք, մի քիչ ժպտացեք, ինչքան ջղայն եք սաղդ նայում, որ հարցը տալիս եք, պատասխանն էլ հուշեք՝ ինչ ասեմ...»:
Երբ լրագրողները բողոքել են, թե սոցիալական խնդիրներով ծանրացած Գյումրիում հնարավոր չէ լավատես լինել, վարչապետն արձագանքել է. «Դե ուրեմն անընդհատ դիլխոր եղեք...»:
Իսկ «առաջիկա ընտրություններին ՀՀԿ-ի համար ի՞նչ չափաբաժնով եք աշխատելու» հարցից հետո՝ լրագրողի ձեռքի միկրոֆոնն ուղղեց նրան ու ասաց՝ «Պատասխանեք...»:
