Եվրախորհրդարանի սլովակ պատգամավոր Բորիս Զալան DennikN հրատարակչության հետ կիսվել է Հայաստան կատարած այցի մասին իր տպավորություններով: Հիշեցնենք, որ Զալան ` որպես դիտորդ, Հայսատանում մասնակցել է խորհրդարանական ընտրություններին: Այս մասին փոխանցում է haqqin.az-ը:
Հատկանշականն այն է, որ իր հարցազրույցի ժամանակ Բորիս Զալան հետաքրքիր տեղեկություն է հայտնել Եվրախորհրդարանի լյուքսեմբուրգցի պատգամավոր Ֆրանկ Էնգելի մասին:
«Ֆրանկ Էնգելը վճռականորեն էր տրամադրված ինձ համար հայկական խոհանոցը բացահայտելու գործում: Ես նաև պարզեցի, որ Ֆրանկը սիրահարված է ոչ միայն հայկական խոհանոցին: Պարզվում է, որ նրա ընտրյալը հայուհի է, և նա իր հարսանիքը կազմակերպելու է հենց Արցախում»:
Նշենք, որ Ադրբեջանի գլխավոր դատախազությունը Ֆրանկ Էնգելի նկատմամբ միջազգային հետախուզում էր հայտարարել՝ Արցախ այցելելու և որպես դիտորդ Արցախում անցկացված հանրաքվեին հետևելու համար:
