Երեկ` սեպտեմբերի 24-ին , Ալ. Սպենդիարյանի անվան ազգային ակադեմիական թատրոնում կայացավ «Միսս Արմենիա» գեղեցկության մրցույթը, որտեղ պայքարում էին տարբեր երկրներից ժամանած 24 հայուհիներ։ Արդյունքում «Միսս Արմենիա 2017» ընտրվեց Լիլի Սարգսյանը։ «Միսս Արմենիա»-ն ու դրա մասնակիցները համացանցի քննարկման գլխավոր թեմաներն էին երեկվանից՝ մրցույթի հեռարձակման առաջին րոպեներից: Համացանցային օգտատերերից շատերին էին զարմացրել գեղեցկուհիների պատասխանները, որոնք մեղմ ասած` աչքի չէին ընկնում իրենց համեստությամբ ու գրագիտությամբ, ավելին` ոմանք այնպիսի պատասխաններ էին հնչեցնում, որոնք կապ չունեին հարցի հետ: Իսկ թե ինչ է «երջանկություն» ասվածը, գեղեցկուհիներից մեկն այդպես էլ չկողմնորոշվեց:
