Համացանցում մեծ տարածում գտած տեսանյութում երևում է, թե ինչպես է ՀՀ նախագահ Արմեն Սարգսյանը պարում Ամուլսարի հանքի դեմ բողոքող երիտասարդների հետ:
Նշենք, որ Վայոց ձորի մարզի Գնդևազ գյուղի և Ջերմուկ քաղաքի բնակիչները 5-րդ օրն է, ինչ շարունակում են իրենց բողոքի ակցիան`ընդդեմ Ամուլսարի ոսկու հանքի շահագործման: Բնակիչները պահանջում են դադարեցնել ծրագրի իրականացումը՝ հրաժարվելով ցանկացած տեսակի ապահովագրությունից: Բնակիչները հրաժարվում են նաև բանակցություններից, նշելով, որ Ամուլսարը պետք է սար մնա: Տեղացիներն ահազանգում են, որ անձրևների ժամանակ ծորակներից մուգ դարչնագույն հեղուկ է հոսում, որը կարող է աղետի պատճառ դառնալ: Գյուղացիները բողոքում են նաև փոշուց և պայթեցումների ցնցումներից:
Նշենք, որ այսօր ցույց է անում նաև կոնֆլիկտի մյուս կողմը. «Լիդիան Արմենիայի» աշխատակիցները փակել են Ջերմուկ տանող ճանապարհը՝ պահանջելով դադարեցնել հանքի շրջափակումը, քանի որ իրենք աշխատանքի չեն կարողանում գնալ։