Անցած գիշեր՝ նախքան Մարտի 1-ի հանրահավաքի մասին իրազեկող թռուցիկներ փակցնելը անցած գիշեր բերման են ենթարկվել Հայ ազգային կոնգրեսի (ՀԱԿ) ակտիվիստներ Արեգ Գևորգյանը, Սարգիս Գևորգյանը, Հայկ Պետրոսյանը, Տաթևիկ Պողպատյանը, Դավիթ Վարդանյանը, Թաթուլ Սարոյանը, Վարդան Հարությունյանը, և Կարեն Սահակյանը: Ընդ որում երիտասարդները չեն հասցրել որևէ գործողություն իրականացնել:
ASEKOSE.am-ի թղթակցի հետ զրույցում Արեգ Գևորգյանը մանրամասներ է հաղորդել գիշերվա միջադեպի մասին.
Նրա խոսքով՝
«Դուրս էինք եկել գիշերային իրազեկման, որը խոչընդոտվել է ոստիկանության կողմից: Նախատեսված իրազեկումն ըստ էության չի կայացել: Ոստիկանությունը քաղաքի կենտրոնական փողոցների տարբեր հատվածներից ՀԱԿ 9 երիտասարդների բերման է ենթարկել ոստիկանության Կենտրոնի բաժանմունք: Տեղում որևէ բացատրություն չեն ներկայացրել՝ համենայնդեպս մեծամասնությանը, չեն բացատրել ուր են տանում և ինչի համար կամ ինչ են արել: Ոստիկանությունում տեղեկացրել են, որ բերման ենք ենթարկել վարչական իրվախախտման համար և արձանագրություն կազմելուց հետո ազատ են արձակել»:
