Երգչուհի,  հաղորդավարուհի  Արմինե  Գրիգորյանի  երգերի  մեծ  մասը հիմնականում   հումորային   ժանրին    են   պատկանում,   որոնք   շատ   սիրված   են  բոլորի   կողմից:  ASEKOSE.am-ի    թղթակիցը զրուցել է երգչուհու հետ:

-Ո՞րն   է   եղել   Ձեր  մանկության   ամենախենթ   հուշը,   որը   միշտ   ժպիտով   եք   հիշում:

-Շատ  ուրախ  և  հրաշքներով  լի  մանկություն  եմ  ունեցել,  բայց  առանձնահատուկ դեպք  չեմ  կարողանում  մտաբերել:

-Ինչպե՞ս   ընտրեցիք   երգչուհու  մասնագիտությունը:

-Ես  մասնագիտությամբ   դերասանուհի  եմ,  խաղացել  եմ  տարբեր  թատրոններում, և միշտ  երգել   եմ   ներկայացումներում:  Դա  էլ  եղավ  պատճառ  և  առիթ,  որ  որոշեցի  երգել:

 -Շեքսպիրն   ասել  է. «Երաժշտությունը   խլացնում   է  տխրությունը»:  Ի՞նչ   է  Ձեզ  համար  երաժշտությունը   և  արդյո՞ք  այն  օգնում   է  տխրությունը  վանել  Ձեզնից:

-Երաժշտությունն  ամբողջությամբ  կյանքը  գունազարդում   է   իր   երանգներով, խլացնում   է  տխրությունը,  կտրում   իրականությունից,   ստեղծում    լավ  կամ վատ տրամադրություն:  Երաժշտությունը  սիրահարվածների  կյանքի  ուղեկից է,  և    փառք Աստծո,   որ   կա   երաժշտություն:   Իսկ   ինձ   համար   երաժշտությունը   նաև   ապրելու  միջոց   է,   և    ես    չեմ   կարող   ապրել   առանց   երաժշտության` տարբեր  առումներով:

 - Ո՞րտեղ  է  այժմ  Արմինե  Գրիգորյանը,  և  ո՞րն   է   եղել  Հայաստանը  լքելու  պատճառը: 

- Արմինե   Գրիգորյանը   այժմ   և  միշտ   և  հավիտյան  Հայաստանում   է,  և   երբեք    չի  լքել,  ու   չի  էլ   լքելու   Հայաստանը:  Ես  պարզապես  շատ  հաճախ   եմ   մեկնում  տարբեր  երկրներ,  տարբեր   պատճառներով`   համերգային   և  աշխատանքային  գործուղումներով,  անձնական,  ընկերներիս  տեսնելու,  հանգստանալու  և  աշխարհ տեսնելու  ու  վայելելու  նպատակներով: 

-Ո՞րն   է  Ձեր  երջանկության բանաձևը:

-Լինել առողջ, ունենալ լիարժեք առողջ և խաղաղ ընտանիք, զբաղվել սիրելի մասնագիտությամբ, միշտ  սիրել  և  սիրվել,  ունենալ  լավ  ընկերներ,  և  հնարավորինս ապրել ուրախ:

 -«Հո'պ  ջան,  հարց  չկա.  ու…..»:  Արդյո՞ք   բոլոր    հարցերն    եք    լուծված   համարում:

-Ո'չ,  բոլոր  հարցերը  լուծված  չեմ  համարում,  կան  հարցեր,  որոնց  պատասխանները չունեմ , ու  երևի   թե   հանդերձյալ   կյանքում   կունենամ:

-Պատրաստ  ե՞ք  խենթություններ  անել:  Եվ  ո՞վ  է  այն  երջանիկը,  ում   համար  կանեք խենթություն:

-Միշտ   էլ   արել   և   կանեմ   խենթություններ` անկախ   տարիքից   և   օբյեկտից: Խենթություններ`  նախ  ինձ   թարմացնելու   համար  կանեմ:
 
-Ձեր  մասին  լսած  ասեկոսեներից   ո՞րն   է  Ձեզ  զայրացրել  և  ո՞րը  զվարճացրել:

-18  տարին   բավական   է  կոփվելու   ասեկոսեներին  և  բամբասանքներին`  զվարճանքով վերաբերվելուն:  Եթե  ճանաչված ես, ուրեմն պետք է պատրաստ լինես լսել ամեն  տեսակի  ասեկոսեներ:  Հանրային մարդիկ միշտ էլ նմանատիպ խնդիրներ ունենում  են,  պարզապես  ամեն   ոք   յուրովի   է   դա   ընկալում  ու  ընդունում:  Ես  օրինակ  շատ  ժպիտով,  զվարճանքով  և  մեծ  հումորով  եմ  մոտենում  այդ  հարցին,  որը  կրկին  թարմանալու  մի  միջոց   է:  

 -Հայ   հանդիսատեսին  ե՞րբ  կհաջողվի  նորից  տեսնել   իրենց  սիրելի  երգչուհուն:

-Հայ   հանդիսատեսին  հայտնում   եմ   իմ    խորը    երախտագիտությունը,   որ   12   տարի   է,  ինչ    նոր    տեսահոլովակ    չեմ    նկարել:   Մինչ    օրս    մոռացվելու    վտանգը   չեմ   ունեցել` շնորհիվ    իմ   արվեստը   գնահատող,  ուրախ  ու  բարի   հանդիսատեսի:  Շնորհակալ   եմ  շատ,    անակնկալներ    կլինեն      դեռ     շատ     անգամներ   (Я  вас не  подведу):  

-Ի՞նչ  ծրագրեր  ունեք  առաջիկայի  համար:

-Առաջիկայում   կան  շատ  հետաքրքիր  ծրագրեր,  բայց  ինչպես  գիտեք,  ես  երբեք նախապես  չեմ  բարձրաձայնում  դրանց  մասին:  Առա'ջ  Աստված,  կապրենք, կտեսնենք…

 Հարցազրույցը` Երվանդ  Մարեյանի