Երիտասարդ երգիչ Մավր Մկրտչյանը մի քանի օրից մեկնում է ՌԴ համերգային շրջագայության:

Տարբեր հանգամանքներից ելնելով հայերը շարունակում են հեռանալ երկրից , սակայն ուրախալի է, որ որտեղ էլ լինեն հոգում պահում են իրենց երգն ու երաժշտությունը; Հայկական համայնքները ակտիվ գործունեություն են ծավալում այդ առումով:

Հիշեցնենք , որ ամիսներ առաջ Մավրը մենահամերգ ունեցավ Արամ Խաչատրյան մեծ համերգասրահում, որի տրամաբանական շարունակություն էլ եղավ սփյուռքից հրավերներ ունենալը:

Օտար հողում ապրող հայ հանդիսատեսը նաև հնարավորություն կունենա գնելու մենահամերգի CD և DVD տարբերակները միասին:

Ի դեպ, Հայաստանում նույնպես կարող են ձեռք բերել այն մասնագիտացված խանութներից:

Մավր Մկրտչյանը համերգային շրջագայության է մեկնում ժող. նվագարանների և Հայկուհի Բաբախանյանի հետ:

Նրանք հանդիսատեսին կներկայանան լայնածավալ երգացանկով , որոնցում ներառված են Սայաթ- Նովայի , Ջիվանիի, Հավասու երգերը:

Մայիս ամսին երգիչը նախատեսում է նոր տեսահոլովակի նկարահանում:

Հեղինակ` Լուսինե Արշակյան