Շուտով հեռուստաէկրաններին կհայտնվի «Հակադարձ շրջադարձ» (Поворот наоборот) ֆիլմը, որի գլխավոր դերակատարը ռուսական շոու բիզնեսի հաջողակ արտիստ Նիկոլայ Բասկովն է:
Ֆիլմում Բասկովը մարմնավորում է հայտնի երգչի, ով օրերից մեկ օր հասկանում է, որ այն գլամուրը և շքեղությունը, որի անմիջական մասնակիցը նաև ինքն է, ամենևին էլ իրեն ուրախություն չի պատճառում: Նրան թվում է, թե իր կյանքում ամեն ինչ չէ, որ լավ է ընթացել և մտովի նա տեղափոխվում է իր մանկություն, երբ երազել է դառնալ օդաչու:
Տեղեկացնենք, որ սա Նիկոլայի առաջին լուրջ փորձն է հանդես գալու որպես դերասան: Մինչ այս նա նկարահանվել է տարբեր հեռուստատեսային մյուզիքլներում, ինչպես նաև ռուսական հումորային ֆիլմերից մեկում մարմնավորել է հենց ինքն իրեն:
