▲ Դեպի վեր

lang.iso lang.iso lang.iso

Նազենի Հովհաննիսյանն ամենամեծ չարագործն է

Օրերս աչքովս ընկավ, թե ինչպես է հաղորդավարուհի Նազենի Հովհաննիսյանը ինչ-որ ակցիայի շրջանակներում մի քանի զինվորի մի քանի հեռադիտակ նվիրում: Մեծ նվիրատվությունից հետո մեծ PR արշավ իրականացվեց ու բոլոր կայքերը մի մարդու պես գրեցին, որ Նազենին շատ հայրենասեր ու լավ մեկն է, ով միշտ կանգնած է պետության կողքին: Ես առայժմ լռում եմ:

Հայաստանում գործող աղանդների տված մեծ վնասը մեր երկրին դժվար է գերագնահատել: Նրանք վախ ու տագնապ են առաջացնում մարդկանց մեջ ու հուսալքում են մարդկանց: Շատ աղանդներ կան, որոնք դեմ են զինվորական ծառայությանը ու այդ աղանդներին սերող երիտասարդները չեն ծառայում Հայոց բանակում: Դասալքության համար նրանց բանտ են նստեցնում, իսկ նրանք էլ, Եվրոդատարանում բողոքարկելով վճիռները, ՀՀ-ից մեծ գումարներ են կորզում: Փաստորեն աղանդավորների պատճառով մենք զինվորների պակաս ենք ունենում ու հետո մի բան էլ բյուջեից գումար ենք վճարում, որպես փոխհատուցում: Չասել չեմ կարող, որ այդ գումարները կարող էին ուղղվել Հայոց բանակին:
Նազենի Հովհաննիսյանի ամենամտերիմ ընկերներից մեկն Անդրեն է, ով ամենահայտնի աղանդավոր աստղերից մեկն է Հայաստանում ու հաճախ չի էլ թաքցնում դա: Իսկ թե աղանդավորական կառույցների ինչին են պետք հայտնիները ու ինչի են նրանց հանդեպ այդքան ուշադիր, պատասխանը պարզ է. Այդ կառույցները հայտնիների միջոցով էլ ավելի են պրոպագանդում իրենց գաղափարներն ու նոր անդամներ գրավում իրենց շարքեր: 
Ստացվում է, որ մի կողմից Նազենի Հովհաննիսյանը սատարում է բանակին, մյուս կողմից շատ մտերմիկ հարաբերություններ ունի մի մարդու( հավանաբար նաև մարդկանց) հետ, ովքեր մեր բանակի առաջին թշնամին են: Այս ի՞նչ երկակի ստանդարտներ են Նազենի՞:

 

Նանա Աֆյան 

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Շոու-բիզնես ավելին